*補打*

2008-10-21

3週年快樂

今日返到學校..好多朋友同我講"恭喜晒"

好開心^^好多謝你地仲記得黎一個日子!!

一放學我即刻塔車返屋企..馬上換衫就出左去搵Baby喇>33<`

Baby帶左我去一間有幾十年歷史既花園餐廳食飯..好好味丫^^

跟住去左影貼紙相..再去睇戲(凶鏡)..玩到12點幾先捨得走..

最衰聽日要返學..唔係既話我真係想同你一齊耐d..見你多d丫~

睇戲果陣真係嚇到我想死呀..勁驚丫""

不過好彩有Baby係我隔離..摟住我先無咁驚咋>,<

搞到我返屋企沖澡果陣都有d驚..唔敢望鏡丫"

~感謝小宜,,芷瑩,,LMC的幫忙..感激不盡..無以為報~

ps:今日過得好開心^_________^好多謝Baby

     希望我地有更多個週年!!

     我地會更快樂,,更幸福

     我愛你

與你在一起的日子過得特別的快,,亦特別的快樂和幸福

每一刻都諗住你,,想起你開心的樣子^^

我就覺得我係最幸福的人

謝謝你每一天送給我開心的日子

I LOVE YOU

岩岩食完飯..換33先..

去搵黃志忠..跟住去珠鳳同成大班FDs打羽毛球^^

好耐無打過羽毛球喇..差左好多tim**

要做返多d運動先得!!

我要強身健體&減肥

 前幾日去左Billy屋企打牌..贏左$$好開心

連續3次做莊..好利害^^嘻嘻

可惜黃志忠佢輸$$..要補返佢輸左果d!!

最終贏得1蚊..唉

跟住玩到好夜先走..走個陣仲見到螢火蟲^^真係好靚

哎呀..唔記得左影底相tim!!

琴日呀忠同我&Billy同妹頭去左唱K..

由5點幾唱到7點幾,,玩得好開心..

Billy係咁影我同妹頭d樣衰相..可惡"

但係又好搞笑架喎**

夜晚去左食飯..我唔記得左個間野叫咩名喇!!但係d野食好好味

最記得既係間店裏面有個細細個要入錢玩既十二星座運程..都幾準既""

ps:好期待星期日同成大玩朋友去踩單車

一大清早訓都未訓醒..就俾屋企人嘈醒左去飯早茶!!

不過都好既..成家人一齊去食野感覺都特別溫馨...

食左好多野..好飽呀..不過都幾好味

今日好乖女..成日都係屋企!!

玩電腦..做功課..打牌,,咁又一日喇!!

前幾日同屋企人玩啤牌..贏左百幾蚊..好開心呀!!

琴日同呀忠一齊去左剪頭髮..剪完之後覺得個頭好似輕左咁!!好舒服^^

剪完之後我地大家都好滿意..

夜晚落左去新蒲崗同姑媽佢地食飯!!成十幾個人好熱鬧!!

可能亦都係母親節..見到媽咪同姑媽都特別開心

ps:補返句---------->母親節快樂!!

     聽日係我二哥生日!!祝佢生日快樂^^